LDA Georgia-მ სამუშაო ფორმატის შეხვედრები გამართა თერჯოლის და ტყიბულის მუნიციპალიტეტის მერიის და საკრებულოს წარმომადგენლებთან პროექტის ,,მეტი გამჭირვალობა და ანგარიშვალდებულება ეფექტური თვითმმართველობისთვის’’ ფარგლებში .

 სამუშაო შეხვედრებზე მუნიციპალიტეტის წარმომადგენლებს მიეწოდათ უკუკავშირი ადგილობრივი თვითმმართველობის ინდექსის შეფასების მეორე თემატურ ბლოკში არსებულ კრიტერიუმებთან დაჯავშირებით და გაეცნენ შეფასების მესამე ბლოკის მეთოდოლოგიას.

პროექტის მიზანს წარმოადგენს უზრუნველყოს იმერეთის მხარის თერჯოლის, ტყიბულისა და ბაღდათის მუნიციპალიტეტებში ეფექტური თვითმმართველობის განხორციელება და ხელი შეუწყოს სამოქალაქო საზოგადოების ჩართულობას გადაწყვეტილების მიღების პროცესში.

პროექტი ხორციელდება ა(ა)იპ ტყიბულის რაიონის განვითარების ფონდის მიერ ა(ა)იპ ადგილობრივი დემოკრატიის სააგენტო საქართველოსთან პარტნიორობით, რომელიც დაფინანსებულია გერმანიის საერთაშორისო თანამშრომლობის საზოგადოების (GIZ)-ის მიერ, გერმანიის ფედერალური მთავრობისა და ევროკავშირის მიერ დაფინანსებული „აღმოსავლეთ პარტნიორობის ქვეყნებში სამოქალაქო საზოგადოების გაძლიერების პროგრამის“ ფარგლებში.