ა(ა)იპ ადგილობრივი დემოკრატიის სააგენტო საქართველო (LDA Georgia) იმერეთის თერთმეტ (11) მუნიციპალიტეტში (ბაღდათი, ზესტაფონი, სამტრედია, ვანი, ხონი, წყალტუბო, საჩხერე, ჭიათურა, ხარაგაული, თერჯოლა, ტყიბული) ახორციელებს პროექტის ,,მოქალაქეთა ჩართულობის ხარისხის ზრდა ადგილობრივ თვითმმართველობაში’’, რომლის მიზანია გადაწყვეტილების მიღების პროცესში მოქალაქეთა ჩართულობის ხარისხის ზრდა და ადგილობრივი ხელისუფლების ანგარიშვალდებულების უზრუნველყოფა.

პროექტის ფარგლებში ბაღდათის, ხარაგაულის, ჭიათურის, წყალტუბოს და ტყიბულის მუნიციპალიტეტებში ონლაინ სივრცეში ჩატარდა მრგვალი მაგიდის ფორმატის შეხვედრა. შეხვედრას ესწრებოდნენ როგორც ადგილობრივი თვითმმართველობის წარმომადგენლები ასევე საინიციატივო ჯგუფის წევრები.

საპროექტო გუნდისა და საინიციატივო ჯგუფის მეშვეობით მოხდა კვლევის ჩატარების შედეგად კონკრეტულ მუნიციპალიტეტებში გამოკვეთილი პრობლემების წარდგენა მუნიციპალიტეტებისთვის. შეხვედრაზე ასევე იმსჯელეს პრობლემათა მოგვარების ეფექტურ გზებზე.

პროექტის განხორციელება შესაძლებელი გახდა ,,გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის’’ მხარდაჭერით