2015 წლის 29 ივნისს, საქართველოს პარლამენტში გაიმართა კოალიციური პროექტის “გზად საბინაო სექტორის რეფორმებისაკენ: ბინათმესაკუთრეთა გაერთიანების პოტენციალის ამაღლება აზერბაიჯანში, ბელორუსიაში, მოლდოვაში, საქართველოსა და უკრაინაში” გახსნითი კონფერენცია. პროექტში ჩართულია 12 პარტნიორი 6 ქვეყნიდან. საქართველოდან პროექტის პარტნიორები გახლავთ ადგილობრივი დემოკრატიის სააგენტო საქართველო, საქველმოქმედო ჰუმანიტარული ცენტრი “აფხაზეთი” და “სამოქალაქო საზოგადოების ინსტიტუტის ბათუმის ფილიალი”.

პროექტის ხანგრძლივობა შეადგენს 3 წელს. კონფერენციაზე მოწვეულნი იყვნენ და მონაწილეობა მიიღეს ისეთმა პროფესიონალებმა, როგორებიც არიან თომას იანეცკი-გერმანიის ტრანსპორტის , მშენებლობისა და ურბანული განვითარების ყოფილი მინისტრი, ანდრეი რომაშენკო-ველორუსიის საბინაო ფონდის მშენებლობის და კომუნალური მეურნეობის სამინისტროს წარმომადგენელი, თომას რულანდი გერმანული იურიდიული ფირმის Dr. Kòhler und Partner წარმომადგენელი და სხვ.