14 სექტემბერს, "გაეროს მოდელირების საერთაშორისო კონფერენციის" საკომიტეტო სესიები საქართველოს პარლამენტში გაიმართა. პროცესის მიმდინარეობას, კონფერენციის ჟიური, მთელი დღის განმავლობაში აკვირდებოდა.

15 სექტემბერს,პროექტის გამარჯვებულები სამ ნომინაციაში გამოვლინდებიან: საუკეთესო პოზიციის განაცხადი, საუკეთესო სპიკერი, საუკეთესო დელეგაცია.

შეგახსენებთ, რომ გაეროს მოდელირების საერთაშორისო კონფერენციაში მონაწილეობას იღებს 60 ახალგაზრდა,საიდანაც 30 ქუთაისის მუნიციპალიტეტიდან, ხოლო 30 ქ.ქუთაისთან დაძმობილებული 9 ქალაქიდან არის წარმოდგენილი.
გაეროს მოდელირების მიზანია ახალგაზრდებში დემოკრატიული ღირებულებების დანერგვა და გავრცელება, კომუნიკაციური და პროფესიული უნარ-ჩვევების განვითარება და ქალაქ ქუთაისის მუნიციპალიტეტის დაძმობილებულ ქალაქებთან თანამშრომლობის გაძლიერება.

გაეროს მოდელირების საერთაშორისო კონფერენცია ხორციელდება ადგილობრივი დემოკრატიის სააგენტო საქართველოს მიერ, ქალაქ ქუთაისის მერიასთან, გაეროს განვითარების ფონდთან და მშვიდობის კორპუსთან თანამშრომლობით.