ბათუმის მერი და საკრებულოს თავმჯდომარე საერთაშორისო სემინარის მონაწილეებს შეხვდნენ.
სამოქალაქო საზოგადოების როლი საჯარო ადმინისტრირებაში ადგილობრივი თვითმმართველობების დონეზე, ტერიტორიული განვითარება და მუნიციპალიტეტების ფუნქციონირება - აღნიშნულ თემებზე სემინარი ბათუმში დღეს გაიხსნა და 1 ივნისამდე გაგრძელდება. აზერბაიჯანის, სომხეთის, მოლდოვას, საქართველოს, უკრაინისა და ბელარუსის წარმომადგენლები მათი ქვეყნების გამოცდილებას, გამოწვევებსა და ამ კუთხით არსებულ პრობლემებს განიხილავენ. სემინარი აღმოსავლეთ პარტნიორობის ფარგლებში იმართება და მას ორგანიზებას ჩეხეთის საგარეო საქმეთა სამინისტრო უწევს.
სემინარის დღის წესრიგის ფარგლებში, დღეს შეხვედრა ბათუმის მერიაში გაიმართა. ვიზიტები დაგეგმილია ასევე ქობულეთის მუნიციპალიტეტში, აგროსერვის ცენტრში და მტირალას ეროვნულ პარკში.
კომენტარები