ადგილობრივი დემოკრატიის სააგენტო საქართველომ, პროექტის - „სამოქალაქო საზოგადოების ინიციატივა“ ფარგლებში, გამართა საკონსულტაციო შეხვედრა ზესტაფონის მუნიციპალიტეტის სამოქალაქო საზოგადოებრივი ორგანიზაციების წევრებთან და აქტიურ მოქალაქეებთან.
შეხვედრის მიზანი გახლდათ ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ; ასევე, იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა.
კონსულტაციების გაცემა გრძელდება იმერეთის მხარის მუნიციპალიტეტებში.
შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით.
კომენტარები