ადგილობრივი დემოკრატიის სააგენტო საქართველო (LDA Georgia) აქტიურად მუშაობს ბაღდათის მუნიციპალიტეტის ახალგაზრდულ საბჭოსთან. ამ ურთიერთთანამშრომლობის ფარგლებში, LDA Georgia-ს მხარდაჭერით ახალგაზრდულმა საბჭომ შეიმუშავა ,,ახალგაზრდული ინიციატივების მხარდაჭერის პროგრამა''.
საბიუჯეტო პროგრამა, რომლის წარდგენა და განხილვა მოხდა მუნიციპალიტეტის მერიასთან და საკრებულოსთან, წარმატებით იქნა ასახული ბაღდათის მუნიციპალიტეტის 2023 წლის ბიუჯეტში.
პროგრამის მიზანია ხელი შეუწყოს ბაღდათის მუნიციპალიტეტში ახალგაზრდების განვითარებას და კეთილდღეობას, რათა მათ მოახდინონ საკუთარი პოტენციალის სრულად რეალიზება და აქტიურად იყვნენ ჩართულები საზოგადოებრივ ცხოვრებაში.
აღნიშნული პროგრამის შემუშავება შესაძლებელი გახდა პროექტის ,,სამოქალაქო საზოგადოების ინიციატივა'' ფარგლებში ევროკავშირისა და კონრად ადენაუერის ფონდის მხარდაჭერით.
კომენტარები